Wednesday, February 15, 2012

காதலி/ மனைவியுடன் உங்க டீலிங் எப்படி?


அண்ணே வணக்கம்ணே !
இதுக்கு முந்தில்லாம் ஒரு மேட்டர் மாட்டினா அதை பல கோணங்கள்ள அலசி ,பிழிஞ்சு காயப்போட்டு இஸ்திரி போட்டுருவம்.ஆனால் என்னாச்சுன்னே தெரியலை சுஸ்தா இருக்கு. ( உடனே ஜா.ரா அலியாஸ் சுன்டு ஆகா சுடுகாட்டுல நாங்க போட்ட பூஜை தான் காரணமுன்னு டிக்ளேர் பண்ணுவாய்ங்க. அதெல்லாம் டுபுக்கு)

அசலான காரணம் என்னன்னா பணத்துக்கு முக்கியத்துவம் தர்ர பார்ட்டிங்களை கிராஸ் பண்ணும்போது இப்படி ஒரு மன நிலை ஏற்பட்டுரும்.

அடுத்த நாளே இதுக்கு மாறான மனிதர்கள் கிராஸ் ஆனா நம்ம கான்ஷியஸ் உச்சத்துக்கு போயிரும். ப்ரஸ் காரன் பேப்பர் மேட்டர்ல ஒரு எண்ணூறு ரூபா ஆட்டைய போட்டுட்டான். ரேப்பர் ஒன்னுக்கு 3 வருதுன்னா ரெண்டுதான் வரும்னு தீட்டிட்டான்.

அப்பாறம் நாம கோதாவுல இற்ங்கி 3 க்கு அஜீஸ் பண்ணி மிச்சம் பிடிச்சம். இன்னொரு பிக்காலி லாட்டா கொடுத்த வேலைக்கு பாட்டா கம்பெனி கணக்கா பத்து காசு குறைக்கமாட்டேன்னு அடம்பிடிச்சான். ஒரே நாள்ள 3 சம்பவங்கள் .நம்முது கடகலக்னமாச்சா இந்த ரேஞ்சு மன்சாளை பார்த்தா படா பேஜாரா பூடுதுப்பா.

அல்லாருமே அல்லார் கிட்டேயும் அல்லா மேட்டர்லயும் பணத்தை மட்டும் பார்த்திருந்தா ஒலகம் நாறிப்பூட்டிருக்குமே. எஸ்.ரா சொல்றாரு கிளைவ்/ ட்யூப்ளே ரெண்டு பேருக்கும் கடேசியில சமாதி கூட மிஞ்சலியாம். சரி உடுங்கண்ணா மேட்டருக்கு வரேன்.

ஒரு மன்சன் எப்படியா கொத்த பொண்ணை கண்ணாலம் கட்டிக்குவாங்கற மேட்டரை போலவே அவன் தன் லவ்வரு /பொஞ்சாதிய எப்டி டீல் பண்ணுவாங்கற மேட்டரும் அவன் ஜாதகத்துலயே அடங்கியிருக்குங்ணா. அதனோட விளைவு எப்டி இருக்கும்னு குத்து மதிப்பா சொல்லலாங்ணா. அந்த வேலையத்தான் இந்த பதிவுல சொல்லப்போறோம்.

லக்னம் முதற்கொண்டு (அதையும் சேர்த்து எண்ணும் போது 7 ஆவதா வர்ர ராசிதேன் களத்ர பாவம் இதான் லவ்வரு ,பொஞ்சாதியை எல்லாம் காட்டற பாவம்.

இந்த பாவம் எந்த ராசி/அதுல ஆரு இருக்கா / ஆரோட சேர்ந்திருக்கா / அந்த ராசிக்கு ஆரு அதிபதி/அவரு எங்கன இருக்காரு/இதுவரை சொன்ன கிரகங்கள் அந்த ஜாதக லக்னத்துக்கு சுபரா பாபரான்னு 1008 கான்செப்டை வச்சு இறுதி முடிவை எடுக்கனும்.ஆனா இதை எல்லாம் விலாவாரியா எளுதினா ரெம்ப டெக்னிக்கலா போயிரும். உங்க மூளை பஜ்னு ஆயிரும் ( நன்றி:சுஜாதா)

அதனால உத்தாரா/ குன்ஸா /ரஃபா /கொள்கையளவுல களத்ர பாவாதிபதி எங்கன இருக்காருங்கற ஒரே ஒரு பாய்ண்டை வச்சு இந்த பதிவை எழுதறேன்.

1.களத்ராதிபதி லக்னத்தில் நின்றால் :

அவர் லக்னாத் சுபரானால் விஞ்ஞானிகள் சொல்றாப்ல அவிகளுக்கு சம்பந்தப்பட்ட அவுட்லைன் உங்க மைண்டுக்குள்ளயே இருந்து அவிகளை பார்த்ததும் சர்ருன்னு மேலுக்கு வரும். தலைக்கு மேல வச்சு கொண்டாடுவிங்க. தன்னைப்போலத்தான் அவளும்னு சமம்மா பார்ப்பிங்க

பாபரானால் அவிக இறக்கி வைக்கமுடியாத சுமை மாதிரி . கண்ல தூசு ,செருப்புக்குள்ள கல்லு கணக்கா தொல்லை கொடுத்துக்கிட்டே இருப்பாய்ங்க

2.களத்ராதிபதி தனபாவத்தில் நின்றால் :

அவர் லக்னாத் சுபரானால்:

கொடுக்கல் வாங்கல்லயே இவிக கிராஸ் ஆகியிருக்கலாம். அல்லது ஃபேமிலி ஃபங்சன்ஸ். லவ்வர்/மனைவியாரால் பொருளாதாரம் உயரும் . பொளுது போறதே தெரியாம ஸ்வீட் நத்திங்ஸ் பேசிக்கிட்டு கிடப்பிக. குடும்பத்துல ஒற்றுமை பெருகும் ,

அவர் லக்னாத் பாபரானால்:

நிலைமை மேற்சொன்ன பலனுக்கு கொய்ட் ஆப்போசிட்டா


3.களத்ராதிபதி 3 ல் நின்றால்

அவர் சுபரானால் அவிகளை நீங்க பிரயாணத்துல/ஏதேனும் போட்டி /இன்டர்வ்யூல சந்திச்சிருக்கலாம்.நீங்க கொஞ்சம் பயந்த ஸ்வபாவமா இருப்பிங்க (ரெம்ப ரோசிப்பிங்க) இதனால அவிக டெசிஷன் மேக்கிங் பண்ணி நிறைய ரிஸ்க் எடுக்க வேண்டி வரும். மச்சினி மனைவியா வர வாய்ப்பு. அண்ணன் தங்கச்சி மத்தியில வர்ர ஈகோ மோதல்கள் உங்களுக்கிடையில் வரலாம்.

பாபரானால் நீங்க தில்லு துரையா இருக்கலாம். அவிகளோடயும் மோதலுக்கு அப்புறம் காதல் ஏற்பட்டிருக்கலாம். ஆனால் உங்களோட அசட்டுத்துணிச்சல் காரணமா அவிக டர்ராகி டல்லாகி டயர்டாயிருவாய்ங்க.

4.களத்ராதிபதி 4 ல் நின்றால்
அவிக உங்க தாயாரின் பெயர்/உருவம்/பேச்சு/பாடி லேங்குவேஜில் எதையாவது பெற்றிருக்கலாம். தாய்மாதிரி டீல் பண்ணுவாய்ங்க. நீங்க மகன் என்ற ரோலை பிடிச்சுட்டா உங்க ஜோடி தூள் பண்ணும்.

உங்க முதல் சந்திப்பு உங்க வீட்ல அ அவிக வீட்ல / கல்விச்சாலையில நடந்திருக்கலாம் . ஒரு வாகன சம்பந்தமா கூட மொதல் டீல் ஆரம்பிச்சிருக்கும்.

சுபரானால் மகனோட ரோலை எடுத்துக்கிட்டு விட்டேத்தியா இருந்துக்கிட்டு லைஃபை எஞ்சாய் பண்ணுவிக
அவிக குட்னெஸ்ஸே அவிகளுக்கு ஆப்படிச்சு ஆயுசை குறைச்சுக்கிட்டே வரும்.

அவர் பாபரானால் "என்ன நீ பாட்டி மாதிரி சதா அட்வைஸ் பண்ணிக்கிட்டு எங்களுக்கும் தெரியும்"னுட்டு முட்டி மோதிக்கிட்டே இருப்பிங்க. உங்க எதிர்ப்பே அவிகளுக்கு பிக்காசில்ஸ் மாதிரி உற்சாகத்தை கொடுத்து ஆயுளை நீட்டிக்கும்.

5.களத்ராதிபதி 5 ல் நின்றால்
கடந்த பிறவியிலான மனைவியே இந்த பிறவியிலும் மனைவியா வரலாம்.இதுக்கு சில ஆதாரங்களும் தரேன்.

ஆதாரம் 1:
அவிகளை பார்த்ததும் கொய்யால இவளை பத்து நிமிசம் கூட சகிச்சுக்க முடியாதுங்கற ஃபீலிங் வரும்
ஆதாரம்2:
லவ் சக்ஸஸ் ஆனாலும் /கண்ணாலமே பண்ணிக்கிட்டாலும் அவரை பற்றி மேலுக்கு ஒருவித அலட்சியபாவம் இருக்கும். ( காலேஜ்ல சேர்ந்த புதுசுல வாங்கின பழைய செல்ஃபோனை இப்போ பார்த்தா மாதிரி ஒரு ஃபீலிங்) ஆனால் அவிகளுக்கு ஒன்னுன்னா பதறிருவிங்க பதறி..
ஒரு வேளை லவ் ஃபெயில் ஆறது /பிரிஞ்சு போறது நடந்தாலும் அவர் குறித்த நினைவுகள், விவகாரங்கள் தொடர்ந்து கொண்டே இருக்கும். அவர் தரப்பு வில்லங்கமுள்ள சொத்து அல்லது ரீ சேல் மதிப்பற்ற சொத்து தொடரலாம். அல்லது அவர் தரப்பு உறவினர்கள் குறைந்த பட்சம் அவரது நண்பர்களின் தொடர்பு தொடர்ந்து கொண்டே இருக்கும்.

அவிக உருவம் /பிஹேவியர் உங்க மகளை போன்றதாக இருக்கலாம் .( சைல்டிஷ்)

சுபரா இருந்தா:
ஒன்னு சேருவிக

பாபரா இருந்தா:
பிரிஞ்சுருவிங்க

களத்ர பாவாதிபதி மற்ற பாவங்கள்ள நின்னா என்ன பலன்னு அடுத்த பதிவுல பார்ப்போம்.. உடுங்க ஜூட்