Tuesday, April 2, 2013

ஹை அலர்ட் : மேஷம் TO கன்னி


அண்ணே வணக்கம்ணே !
கடந்த பதிவுல ஏப்ரல் 12 முதல் மே 23  சனி செவ்வாய்க்கிடையில் பார்வை ஏற்படப்போறதாவும்  அல்லாரும் ஹை அலர்ட்ல இருக்கிறது நல்லதுன்னும் சொல்லியிருந்தேன்.
இந்த பதிவுல மேஷம் டு கன்னி ராசிக்காரவுகளுக்கு டீட்டெய்ல்ட் ப்ரிடிக்சன்ஸ் கொடுத்திருக்கேன். கன்னி டு  மீனம் நாளைக்கு தரேன். உடுங்க ஜூட்டு.

1.மேஷம்:
இவிகளுக்கு செவ் 1/8 க்கு அதிபதி . இவரு இவிக ஜன்ம ராசியிலயே நிக்கப்போறாரு.  ஒரிஜினாலிட்டி, உற்சாகம் ,செல்ஃப் கான்ஃபிடன்ஸ் எல்லாம் ஓகே தான். ஆனால் கூடவே கொஞ்சம் கோவம் சாஸ்தியாயிரும். சூட்டுக்கோளாறு வரும். கூர்மையான ஆயுதங்களோட,மின்சாரத்தோட  டீல் பண்ணும் போது ரத்த சேதம் நடக்கலாம். டேக் கேர்.
இவர் 7ல வக்ரமா இருக்கிற சனிய பார்க்க போறாரு. 7 ல சனியிருந்தா காதலி/மனைவி மேட்டர்ல சொதப்பும். அவர் வக்ரமானது பெட்டர் சாய்ஸ் தான். பேட் அப்புக்கு சான்ஸ் இருக்கும். ஆனால் ஒரு வக்ர கிரகம் ஜன்மத்தை பார்க்கும் போது வக்ர சிந்தனை ஏற்படலாம். சிந்தனைக்கு ப்ரேக் போட வாராஹி அம்மன், வராஹ மூர்த்தி அ கிராமதேவதையை தியானம் செய்யவும்.
சிலருக்கு கட்டி,கொப்புளம் ,ரணம் ஏற்பட்டு  வயிறு, முக பகுதியில் தையல் போட வேண்டி வரலாம். 10-8 அதிபதிகள்  பார்வை காரணமா வேலையில் அழுத்தம் ஏற்படும். 11-8 அதிபதிகள் பார்வை காரணமா மூத்த சகோதரம் பாதிக்கலாம். வேட்டை பொருளை வீட்டுக்கு கொண்டு வர்ரதுல சிக்கல் ஏற்படலாம்.
2.ரிஷபம்:
செவ் இவிகளுக்கு 7-12 க்கு அதிபதி .இவரு தான்  நிற்கக்கூடாத 12 ஆமிடத்துல ஆட்சியா  வர்ராரு. டெம்ப்ரரியா செவ் தோஷம் ஏற்பட்டாப்லதான். பூமி,கோபம், மின்சாரம், கூர்மையான ஆயுதங்களால்,அதி உஷ்ணத்தால் பிரச்சினை ஏற்படும்.ரத்தம்,எரிச்சல் தொடர்பான நோய் கூட பாதிக்கலாம். செலவுகள் கழுத்தை நெறிக்கும். "முக்கியமான" நேரத்துல பொஞ்சாதியோட முட்டிக்கும். மாமனார் என்னம்மா சத்தம்னு கேட்க "ச்சொம்மா பேசிக்கிட்டிருக்கம் மாமா"ன்னு கூட சொல்லவேண்டி வரலாம்.
காதலி,மனைவி மேட்டர்ல அடக்கி வாசிங்க. பிரிவுக்கும் வாய்ப்புண்டு. கு.ப உப்புமாவாச்சும் செய்ய தெரியுமா? டீ ,காபி?
சனியா 9,10 க்கு அதிபதி இவர் 6 ல வக்ரம். ஒரு வகையில இது நல்லதுதான். அப்பா,சொத்து,முதலீடு,சேமிப்பு வகையறாவுல  லைன் க்ளியராகும் .என்ன நீங்க கொஞ்சம் வளைஞ்சு கொடுக்க வேண்டி வரும். தொழில்,உத்யோகம்,வியாபார வகையிலும் இதே தான் நிலை.
7-9 பார்வை காதலி,மனைவிக்கு டென்ஸ் கூட்டும். அவிக திடீர்னு உங்க அப்பா கிட்டே காச் மூச்னு  கத்தி சண்டை கூட போடலாம். 7-10 பார்வை காரணமா மனைவி உங்க தொழில்,உத்யோகம்,வியாபாரத்துல மூக்கை நுழைக்கலாம்.12-10 பார்வை காரணமா நீங்க சேல்ஸ்  லைன்ல இருந்தா பிழைச்சிங்க. இல்லின்னா அவசரத்துக்கு எதை விக்கலாங்கற யோசனைல்லாம் வந்துரும்.

3.மிதுனம்:
செவ் உங்களுக்கு 6-11 க்கு அதிபதி .இவர் 11ல் ஆட்சி பெறுவதால் கடன் அதிகமாகும்.  செவ் காரக நோய் தலை காட்டலாம்.( ரத்தம்,உஷ்ணம்,எரிச்சல்). மூத்த சகோதரத்தின் வாழ்வில் மறுமலர்ச்சி ஏற்படும். அதுக்காகவும் நீங்க கடன் பட வேண்டி வரலாம்.
சனி 8-9 க்கு அதிபதி. இத்தனை காலம் இந்த நாற பொளப்புக்கு இருக்கிறதை விட போய் சேர்ந்தா நல்லாருக்கும்னு கூட புலம்பற  நிலையில இருந்த நீங்க ஒரு கை பார்த்துரவேண்டியதுதான்னு கோதாவுல குதிப்பிங்க.
சமீபத்துல சொத்து, வெளி நாடு பயணம், அல்லது ஒரு முதலீடு விஷயமா தேவர் ஃபிலிம்ஸ் படம் போல "வெற்றி வெற்றி"ன்னு இருந்தது தலை கீழா போயி அடியை பிடிடா பரதப்பட்டான்னு மாறும்.
6-8 பார்வை காரணமா சாரி சாரியா கிளம்பிட்டிருந்த சத் ரு,ரோக ,ருண உபாதைகளுக்கு ரெட் சிக்னல். அடிச்ச ஜாக்பாட்டை ட்ரா பண்ண கிளம்பினப்போ ஏடிஎம் காணாம போன மாதிரி ஒரு நிலை வரலாம் அப்பா மேட்டர்ல திடீர்னு காபரா ஆயிரும். ஒரு அட்வான்ஸ் ஜெனரல் செக்  அப் நல்லது.
4.கடகம்:
செவ் உங்களுக்கு 5/10 க்கு அதிபதி .இவர் 10 ல வர்ரது நல்லதுதான். உங்க எதிரிகளோட திட்டங்களே உங்க வெற்றிக்கு உதவியா இருக்கும். பிசியாயிருவிங்க.அதே நேரம் அந்த டென்ஸ் காரணமா உங்களை சேர்ந்தவுகளே உங்களை வெறுக்க வச்சிருவிங்க.அடக்கி வாசிங்க. செய்தொழில்ல எப்பவோ செய்த முயற்சிகளுக்கான பலன்லாம் இந்த ஒன்னரை மாசத்துல கதவு தட்டி வந்து சேரும். மகள்/மகன் உங்களுக்கு உதவியா இருப்பாய்ங்க.
சனி உங்களுக்கு 7-8 க்கு அதிபதி. இவர் 4 ஆமிடத்துல வக்ரமாறதால "என் பொண்டாட்டி ஊருக்கு போயிட்டா" "என் பொண்டாட்டி ஊருக்கு போயிட்டா"னு சந்தோசம் கொண்டாட ஆரம்பிச்சுருவிங்க. ஜில்லுனு ஒரு பீர் ,ஒரு பலான படம்னா பரவால்லை .வேற மேட்டர்லாம் மாணாம். மாட்டிக்குவிங்க.
வீடு,வாகனம்,கல்வி தொடர்பாக இருந்த டெட் லாக்  காபரே கணக்கா படக்குனு அவுந்து விளுந்துரும். மனைவியின் பிஹேவியர் ரெம்ப டிஃப்ரன்டா இருக்கும். கலீஞரு அண்ணா கிட்டே இரவல் வாங்கின இதயம் கிடைச்சா பாருங்க. நேர் மறை எண்ணங்கள் அதிகமாகும்.
5.சிம்மம்:
செவ் உங்களுக்கு 4/9க்கு அதிபதி இவர் 9 ஆம் இடத்துல ஆட்சி பெறுவது நல்லதுதான். ஆனால் கடந்த கால மிஸ்மேனேஜ்மென்ட்ஸ் காரணமா ஒரு எஃப்.டியோ ,சொத்தோ பைசலாயிரக்கூடிய வாய்ப்புமிருக்கு. அப்பா /மாமனார் எரிஞ்சு  விழுவாரு. அவருக்கு செவ் காரக நோய் பாதிக்கலாம். தூர பயணத்துல சின்ன ..மிக சின்ன  விபத்து நடக்கலாம். மேலதிகாரி/பெரிய மனிதர் ஒருவரோடு உரசல் ஏற்படலாம்.
இந்த காலகட்டத்துல உங்க அம்மா ஃபாதர்லி குணங்களை வெளிப்படுத்துவாய்ங்க. அது உதவிகரமா கூட இருக்கும். ஒரு சிலர் வீடு /வீட்டு மனை வாங்குவிங்க.
சனி 6/7 க்கு அதிபதி .இவர் 3 ல் இருப்பது நல்லதில்லை தான்.ஆனால் இவர் வக்ரம் பெற்றதால ப்ரதர்ஸோட இருந்த கிரைசிஸ் செட்டில் ஆகலாம். சின்ன சின்ன பயணங்களையும் தள்ளிபோட்டுக்கிட்டிருந்த நிலை மாறும். மனைவிக்கு இருந்த அல்லல் அலைச்சல் குறையும்.
4- 6  அதிபதிகளிடையிலான  பார்வை காரணமாக தாய்க்கு நோய் பாதிப்பு,கடன் தொல்லை ஏற்படலாம்.அவிக நல்லதுக்கு சொல்றதை நீங்க புரிஞ்சுக்காம காச் மூச்சுன்னு கத்தலாம். 9-6 அதிபதிகளிடையிலான  பார்வை காரணமாக தந்தைக்கும் மேற்சொன்ன சத்ரு ரோக உபாதைகள் அவருடன் முட்டல் மோதல் ஏற்படலாம்.
அதே நேரம் இந்த முட்டல் மோதல் அவிகளுக்கும் உங்களுக்கும் இடையிலான நெருக்கத்தை அதிகர்க்கும்.
6.கன்னி:
செவ் உங்களுக்கு 3/8க்கு அதிபதி.இவர் எட்டாமிடத்தில ஆட்சி  பெறுவது இளைய சகோதரத்துக்கும் -உங்க சவுண்ட் பாக்ஸுக்கும் ஆப்பு. சிலர் தம்பி அ தங்கையோடு முட்டிக்க வேண்டி வரலாம்.
மேலும் பூமி,கோபம், மின்சாரம், கூர்மையான ஆயுதங்களால்,அதி உஷ்ணத்தால் பிரச்சினை ஏற்படும்.ரத்தம்,எரிச்சல் தொடர்பான நோய் கூட பாதிக்கலாம்.
சனி 5-6 க்கு அதிபதி.இவர் ரெண்டாமிடத்துல நின்னதால ஏறக்குறைய ஒரு சூதாடி போலவே மாறியிருப்பிங்க. அதாவது பணம் எப்ப வரும் -எவ்ள வரும் -எப்ப போகும் எவ்ள போகும்னு தெரியாத நிலை. ஆனால் இந்த நிலை இப்பம் மாறும் பேச்சு,கொடுக்கல் வாங்கல்,குடும்பம் இப்படி எல்லா மேட்டர்லயும் ஒரு நெதானம் வந்துரும்.டோன்ட் ஒர்ரி.
3-5 அதிபதிகளிடையில் பார்வை ஓகே. லாஜிக்கே இல்லாம இளைய சகோதரத்தால நல்லதும் நடக்கலாம்.கெட்டதும் நடக்கலாம். ஆனால் ரிஸ்க் எடுக்கிறது ரஸ்க் சாப்பிடற மாதிரின்னு பஞ்ச் பேசிக்கிட்டு சலம்பாதிங்க. லோக்கல்ல ட்ரைவிங்ல சாக்கிரதையா இருங்க.
6-8 அதிபதிகளிடை பார்வை காரணமா ஒரு எதிரியை வெற்றிகரமா ஃபேஸ் பண்ணுவிங்க. ஒரு கடன் பைசலாகும். ஒரு உடல் நல பிரச்சினைக்கு நிரந்தர தீர்வு கிடைக்கும்.